త‌మ‌న్నా భాటియా టైటిల్ రోల్ పోషించిన బాలీవుడ్ మూవీ 'బ‌బ్లీ బౌన్స‌ర్‌'. మ‌ధుర్ భండార్క‌ర్ డైరెక్ట్ చేసిన ఈ మూవీ సెప్టెంబ‌ర్ 23న డైరెక్టుగా ఓటీటీ ప్లాట్‌ఫామ్‌ డిస్నీప్ల‌స్ హాట్‌స్టార్‌లో రిలీజ్ కానున్న‌ది. ఈ మేర‌కు ఆ సంస్థ బుధ‌వారం ప్ర‌క‌టించింది. కామెడీ మేళ‌వించిన నేటిత‌రం ఫీల్ గుడ్ స్టోరీతో ఈ మూవీని స్టార్ స్టూడియోస్‌, జంగ్లీ పిక్చ‌ర్స్ సంయుక్తంగా నిర్మించాయి.

నార్త్ ఇండియా లోని అసోలా ఫ‌తేపూర్ అనే టౌన్ నేప‌థ్యంలో జ‌రిగే క‌థ‌లో ఇంత‌వ‌ర‌కూ చూడ‌ని స‌రికొత్త పాత్ర‌లో త‌మ‌న్నా క‌నిపించ‌నున్న‌ది. ఈ మూవీలో ఆమె బ‌బ్లీ అనే లేడీ బౌన్స‌ర్‌గా న‌టించింది. డిస్నీప్ల‌స్ హాట్‌స్టార్ బ‌బ్లీ బౌన్స‌ర్ ఫ‌స్ట్ లుక్ పోస్ట‌ర్‌తో పాటు రిలీజ్ డేట్‌ను త‌న అఫిషియ‌ల్ ట్విట్ట‌ర్ హ్యాండిల్ ద్వారా పోస్ట్ చేసింది. "Here’s the first look of #BabliBouncer, starring the phenomenal @tamannaahspeaks Streaming from Sept 23 only on #DisneyPlusHotstarMultiplex". అంటూ ట్వీట్ చేసింది.

హిందీతో పాటు తెలుగు, త‌మిళ భాష‌ల్లోనూ 'బ‌బ్లీ బౌన్స‌ర్' రిలీజ‌వుతోంది. ఈ మూవీలో సౌర‌భ్ శుక్లా, అభిషేక్ బ‌జాజ్‌, సాహిల్ వైద్ కీల‌క పాత్ర‌లు చేశారు. కృతీ కుల్హ‌రి మెయిన్ లీడ్‌గా రూపొందించిన ఇందు స‌ర్కార్ (2017) త‌ర్వాత మ‌ధుర్ భండార్క‌ర్ డైరెక్ట్ చేసిన సినిమా ఇదే.